Termu no Kondisaun

1. Saida mak TimorStore

TimorStore mak plataforma marketplace online ida ne'ebé liga sosa-na'in (buyer), fa'an-na'in (seller), no entregadór (courier) independente sira iha Timor-Leste tomak.

TimorStore la produz produto rasik,no la faan nia produto ne'ebé hatudu iha plataforma. Produtu ida-idak ne lista no fa'an husi fa'an-na'in independente, no entrega ida-idak halo husi entregadór independente.

Ho uza TimorStore, ita konkorda atu tuir Termu no Kondisaun sira ne'e.

2. Konta

Ita bele ann rejista hanesan:

• Sosa-na'in
• Fa'an-na'in
• Entregadór
• Buyer no Seller iha konta ida deit.

Ita responsavel ba informasaun hotu ne'ebé ita fornese no tenke rai metin ita-nia username no password.

Ema ida bele iha konta ida deit. Keta kria konta barak atu evita suspensaun ka regra plataforma nian.

Konta Courier tenke submete:

• Foto dokumentu identidade ne'ebé validu.
• Karta kondusaun (Driving License) ne'ebé validu.

Courier sei simu servisu entrega deit bainhira administrador verifica no aprova dokumentu sira ne'e.

3. Lista Produtu

Produtu hotu ne'ebé seller submete sei hetan revisaun husi administrador antes mosu ba buyer sira.

Administrador bele:

• Aprova lista.
• Haruka fila atu halo mudansa.
• Rejeita.
• Suspende se viola termu sira ne'e.

Ezemplu:

• Produtu proibidu.
• Presu ka kondisaun ne'ebé engana ka habosok ema.
• Produtu falsu (counterfeit).

Seller mak sei responsavel ba:

• Presu.
• Deskrisaun.
• Kondisaun (Foun ka Segunda Mão).
• Foto produtu.

4. Métodu Pagamentu no Taxa

Agora daudaun TimorStore suporta dalan rua atu halo pagamentu.

Cash on Delivery (COD)

Buyer selu diretamente ba courier ka seller bainhira simu ona produtu.

Buyer selu:

• Presu produtu.
• Taxa entrega fixa USD $1.00.

TimorStore la simu no la kaer osan ida ne'e.

Transferénsia Banku

Buyer transfere montante tomak ba konta banku TimorStore antes produtu haruka.

Montante ne'e inklui:

• Presu produtu.
• Taxa servisu plataforma 2%.
• Taxa entrega USD $1.00.

TimorStore kaer osan ne'e no sei selu ba seller depois entrega konfirma.

Pagamentu ho karta banku seidauk disponivel.

Seller sei simu presu tomak ne'ebé lista ba produtu depois entrega remata.

Taxa plataforma 2% ba Bank Transfer selu husi buyer, la deduz husi seller.

5. Entrega

Pedidu sei entrega husi entregadór ne'ebé corresponde ho cidade buyer nian, ka bele organiza diretamente husi seller.

Depois entrega:

• Entregadór sei tau foto hanesan prova entrega.
• Buyer bele fó avaliasaun ba produtu no entregadór.

Tempo entrega estimadu define husi seller no TimorStore la garante katak sei to'o tuir tempu ne'ebé hakerek.

6. Kansela Pedidu

Buyer bele kansela pedidu rasik deit antes pagamentu konfirma.

Ne'e signifika pedidu sei iha estatutu:

• Hein pagamentu.
• Hein konfirmasaun transferénsia banku.

Depois pagamentu konfirma, buyer la bele kansela rasik tan. Karik problema mosu depois ne'e, haree Política Reembolsa (Refund Policy).

7. Disputa

Karik:

• Produtu estraga.
• Produtu sala.
• Produtu la to'o.

Buyer bele loke disputa.

Seller iha loron 3 atu responde.

Administrador sei analiza disputa no prova hotu, depois halo desizaun final.

Desizaun bele inklui reembolsa tuir Política Reembolsa.

Ba pedidu Bank Transfer, alegasaun buyer katak nia transfere ona osan sei verifica diretamente husi administrador ho ekstratu banku ofisial TimorStore, la'ós husi seller.

8. Atividade Proibida

Labele uza TimorStore atu:

• Lista produtu ilegal.
• Lista produtu falsu.
• Lista produtu na'ok.
• Lista produtu ne'ebé perigozu.
• Halo review ka rating falsu.
• Manipula rating utilizador seluk nian.
• Submete prova pagamentu falsu.
• Uza resibu ne'ebé reutiliza.
• Submete dokumentu identidade ka prova entrega falsu.
• Asedia, ameasa, ka diskrimina utilizador seluk.
• Kria konta foun atu evita suspensaun.

9. Suspensaun no Taka Konta

TimorStore bele:

• Suspende lista produtu.
• Hasai lista produtu.
• Limita konta.
• Taka konta.

Karik utilizador viola termu sira ne'e, inklui:

• Fraude.
• Alegasaun pagamentu ne'ebé la bele verifica repetidamente.
• Lista produtu proibidu.

Karik bele, TimorStore sei hatete tanba saida mak asaun ida ne'e foti.

10. Papel TimorStore no Limitasaun Responsabilidade

TimorStore mak intermediáriu entre buyer, seller no courier.

TimorStore la'ós fa'an-na'in ba produtu ne'ebé lista iha plataforma.

TimorStore la produz, la inspesiona no la garante produtu sira ne'ebé fa'an husi seller independente.

Tuir lei ne'ebé aplika, TimorStore la responsavel ba:

• Kualidade produtu.
• Seguransa produtu.
• Legalidade produtu.
• Lolos informasaun lista seller nian.
• Hahalok entregadór durante entrega.

Responsabilidade TimorStore limita ba prosesu rezolusaun disputa ne'ebé deskreve iha dokumentu ida ne'e.

11. Mudansa ba Termu no Kondisaun

TimorStore bele muda Termu no Kondisaun sira ne'e husi tempu ba tempu. Karik ita kontinua uza plataforma depois mudansa tama iha vigor, ne'e signifika ita simu no konkorda ho versaun foun.

12. Lei ne'ebé Governa

Termu no Kondisaun sira ne'e governa husi lei sira Republika Demokrátika Timor-Leste nian. [Detallu kona-ba rejistu empreza ka entidade legal sei hatama depois bainhira confirma.]